کراچی (جنگ نیوز) قومی اسمبلی میں قائد حزب اختلاف سید خورشید احمد شاہ کا خصوصی انٹرویو ہفتے کو ”جیونیوز“ کے پروگرام ”جرگہ“ میں نشر کیا جائے گا۔ پاکستان کی موجودہ سیاسی صورتحال اور دیگر اہم موضوعات پر اپوزیشن لیڈر کی خصوصی گفتگو ناظرین سینئر صحافی اور تجزیہ کار سلیم صافی کی میزبانی میں رات 10 بجکر5منٹ پر ملاحظہ کریں گے۔ ٭”خبرناک“ میں خادم اعلیٰ اور ظفر اقبال جھگڑا (ڈمیز) وکھرے انداز میںجلوہ گر ہوں گے۔ شو کے دوران بات کرتے ہوئے خادم اعلیٰ کا کہنا تھا کہ لاہور میں ترقی اور مرکز میں مظلومیت پر الیکشن لڑیں گے، لینن کا ”انقلاب “ اور ہے، شہباز کا اور۔ ٹرین لاہور میں چلے گی اور دھواں بنی گالا سے نکلے گا۔ مختلف سیگمنٹس پر مشتمل پروگرام میں لاہور سے لندن ٹرین سروس دکھائی جائے گی، اورنج ٹرین لائن پر دھرنابھی ہوگا۔ ”سیٹھوں کا مال اور حسیناؤں کے کمال“ کے موضوع کو بھی زیر بحث لایا جائے گا۔ اس کے علاوہ ناظرین منفرد گیت ”سانوں دے کے ”سوغاتاں“ تے دونویں منڈے نال لے گیابھی “ سے بھی محظوظ ہوں گے۔ طنز و مزاح سے بھرپور پروگرام علی میر کے ساتھ رات11 بجکر5منٹ پر دکھایا جائے گا۔
فرمان الہی
نماز کے اوقات
