کراچی (اسٹاف رپورٹر) حکومت پاکستان نے پاکستان ہاکی فیڈریشن کو رواں سال دسمبر میں ہاکی ورلڈ الیون کو پاکستان لانے کی اجازت دے دی ہے، اس بات کا انکشاف پاکستان ہاکی فیڈریشن کے سیکریٹری شہباز احمد نے کیا، انہوں نے کہا کہ ہاکی ورلڈ الیون کی ٹیم دسمبر میں پاکستان کا دورہ کرے گی، مہمان ٹیم تین سے سات دسمبر تک تین میچ کھیلے گی۔ ورلڈ الیون میں کئی ممالک کے معروف ہاکی کھلاڑی شامل ہوں گے۔ جس میں ہال آف فیم ایوارڈ بھی دئیے جائیں گے، میچز کراچی، لاہور اور راولپنڈی میں متوقع ہیں، انہوں نے کہا کہ ہاکی لیگ 25اپریل سے شروع ہوگی، میچز لاہور، گوجرہ اور فیصل آباد میں منعقد کرائے جائیں گے جبکہ لیگ کا فائنل میچ کراچی میں کھیلا جائے گا۔
فرمان الہی
نماز کے اوقات
