لاہور(نمائندہ جنگ)امیر جماعت اسلامی سینیٹر سراج الحق نے کہا ہے کہ حکمران عقیدہ ختم نبوت کے مجرموں کی سرپرستی سے باز آجائیں اور اپنی صفوں میں موجود قادیانی لابی کو باہر نکال کر جیل میں ڈالیں ۔ نواز شریف کے اس دعویٰ پر کہ” ختم نبوت کے فارم سے حلف نامے کو نکالنے میں حکومت کا کوئی تعلق نہیں ہے “ ان سے سوال کیا ہے کہ عقیدہ ختم نبوت کے فارم سے حلف نامہ نکالنا اگر پارٹی کا فیصلہ نہیں تھا تو پھر اب تک مجرم اسمبلی میں کیوں بیٹھے ہیں۔وہ وزیر ہوں یا مشیر، انہیں اسمبلی سے کیوں نہیں نکا لا گیا اور حکومت نے ابھی تک ان سے لاتعلقی کا اعلان کرکے انہیں جیل میں کیوں نہیں ڈالا۔ہم اس وقت تک یہ تحریک جاری رکھیں گے جب تک اسلام آباد کے ایوانوں میں بیٹھے اور پردے میں چھپے چوروں کو سزا نہیں مل جاتی۔ان خیالات کا اظہارانہوں نےگزشتہ روز ختم نبوت کانفرنس سے خطاب کرتے ہوئے کیا۔ کانفرنس سے امیر جماعت اسلامی خیبر پختونخوا مشتاق احمد خان،رکن اسمبلی صاحبزادہ طارق اللہ اور حلقہ این اے 4 سے جماعت کے امیدوارواصل فاروق نے بھی خطاب کیا۔سینیٹر سراج الحق نے کہا کہ پاکستا ن کی عوام ختم نبوت کے تحفظ اور ملک میں اسلامی نظام کے نفاذ کے لیے کسی قربانی سے دریغ نہیں کریں گے۔ حکمران عقیدہ ختم نبوت کے مجرموں کی سرپرستی سے باز آجائیں اور اپنی صفوں میں موجود قادیانی لابی کو باہر نکال کر جیل میں ڈالیں ۔قومی اسمبلی میں مسلم لیگ (ن) کی حکومت کے دوران ختم نبوت پر شب خون مارا گیااور تمام پارٹیاں خاموش بیٹھی رہیں۔پاکستان کے عوام کے نمائندگی صرف جماعت اسلامی کے رکن صاحبزداہ طارق اللہ نے کی۔انہوں نے کہاکہ جماعت اسلامی کے بانی سید مودودیؒ کو قادیانی مسئلہ لکھنے پر پھانسی کی سزا سنائی گئی۔ہم ختم نبوت کے تحفظ اور پاسبانی کے لیے مو ت سے ڈرنے والے نہیں اور مسلمانوں کے عقیدہ پر ڈاکہ ڈالنے والوں کو معاف کرنے کے لیے تیارنہیں ہیں۔عقیدہ ختم نبوت کے فارم سے حلف کو نکالنے والوں کی سازش کو عوام اچھی طرح پہچان چکے ہیں ۔ہم ملک میں نظام مصطفیٰ کے نفاذ کے لیے غلامان مصطفیٰ کو اکٹھاکر رہے ہیں۔
فرمان الہی
نماز کے اوقات
