لاہور (نمائندہ جنگ) شیخوپورہ کے علاقہ منڈی فیض آباد کی رہائشی خاتون کے ہاں ایک ساتھ 5بچوں کی پیدائش ، بچوں میں تین لڑکے اور 2لڑکیاں شامل ہیں۔ زچہ بچہ کی حالت تسلی بخش بتائی جاتی ہے تاہم ڈاکٹروں نے انہیں ہسپتال میں ہی رکھا ہوا ہے۔منڈی فیض آباد کی رہائشی 25 سالہ کومل شہزاد جو کہ لیڈی ایچی سن ہسپتال میں زیر علاج تھیں ان کے ہاں بیک وقت پانچ بچوں کی پیدائش ہوئی جن میں 3لڑکے اور 2 لڑکیاں شامل ہیں۔ ہسپتال کی ایم ایس ڈاکٹر ثمینہ کا کہنا ہے کہ بچوں اور ماں کی صحت بہتر ہےانہیں ہسپتال میںڈاکٹروں کی زیر نگرانی رکھا گیا ہے ۔ہسپتال ذرائع کے مطابق پانچوں بچے کچھ دن انکیوبیٹرز میں رہیں گے۔ جن کو بعد ازاں ان کی والدہ کے پاس منتقل کر دیا جائے گا۔
فرمان الہی
نماز کے اوقات
