ڈگری( نامہ نگار) پی ٹی آئی رہنما مخدوم شاہ محمود قریشی نےکہا ہے کہ پیپلزپارٹی کی قیادت اپنے کارناموں سے خود ہی خوفزدہ ہے، اب ان کا احتساب شروع ہونے والا ہے۔ کرپشن کا بادشاہ کرپشن کے خاتمے کی بات کرے یہ قیامت کی نشانی ہے، کراچی میں بارشوں کا پانی جمع ہوجاتا ہے تو فوج بلائی جاتی ہے، پوری سندھ کے حالات خراب ہوں تو رینجرز کو بلایا جاتا ہے سندھ حکومت کیا کام کرتی ہے؟ وہ وفود سے بات چیت کررہے تھے ۔ مخدوم شاہ محمود قریشی نے سہون جلسہ کے سلسلے میں میرپورخاص ڈویژن کے مختلف علائقو ں میں پانچویں دن ہفتے کو بھی دورے کیئے اور کارکنوں سے ملاقاتیں کیں۔ اس موقع پر انھوں نےکہا کہ سندھ اور سندھ کے عوام کے ساتھ میرا محبت ، روحانی رشتہ ہے اور قائم رہے گا۔وہ رانا جاگیر بھی پہنچے جہاں رانا ہمیر سنگھ سے ان کے بھائی کی وفات پر ان سے اظہار تعزیت کی۔
فرمان الہی
نماز کے اوقات
