کراچی (اسٹاف رپورٹر) پاکستان ہاکی فیڈریشن نے دسمبر میں آسٹریلیا میں ہونے والے چار قومی ہاکی ٹورنامنٹ کے تربیتی کیمپ کے لئے22کھلاڑیوں کے ناموں کا اعلان کردیا ہے۔ کیمپ 31اکتوبر سے ایدھی ہاکی اسٹیڈیم کراچی میں شروع ہوگا، پی ایچ ایف نے سات سال بعد قومی ٹیم میں آنے والے وقاص اکبر کو ڈراپ کر دیا ہے جبکہ ہالینڈ میں لیگ کھیلنے والے نائب کپتان رضوان جونیئر اور اولمپئن راشد محمود کو بھی نہیں رکھا گیا ہے۔ شان ارشاد، عمر حامدی اور بلال قادر کی واپسی ہوئی ہے۔ اعلان کردہ کھلاڑیوں میں مظہر عباس ، امجد علی ، محمد عرفان ، عاطف مشتاق ، مبشر علی ، عماد شکیل بٹ ، ابوبکر محمود ، تصور عباس ، رضوان جونیئر ، ارسلان قادر ، اظفر یعقوب ، عمر بھٹہ ، علی شان ، محمد عتیق ارشد ، اعجاز احمد ، شان ارشد ، قمر بخاری ، خضر اختر ، شجیع احمد ، حسن انور ، بلال قادر اور عمر حامدی شامل ہیں۔ کھلاڑیوں کو 31اکتوبر کو رپورٹ کرنےکی ہدایت کی گئی ہے۔
فرمان الہی
نماز کے اوقات
