کراچی (اسٹاف رپورٹر) آسٹریلیا میں کھیلے جانے والے چار قومی ہاکی ٹور نامنٹ میں سنگل لیگ پر کھیلے جانے والے آ خری میچ میں بھی پاکستانی ہاکی ٹیم کو ناکامی کا سامنا کرنا ۔ کیویز کے سامنے بھی گرین شرٹس کے ہاتھوں سے طوطے اڑ گئے۔ نیوزی لینڈ نے پاکستان کو 3-2 سے شکست دی، قومی ہاکی ٹیم اتوار کو تیسری پوزیشن کے لئے جاپان سے مقابلہ کرے گی جس کے ہاتھوں لیگ میں وہ ناکام ہوچکی ہے، قومی ہاکی ٹیم اس ایونٹ میں رسوائی کی تصویر بنی دکھائی دی ، قومی ہاکی ٹیم کی متواتر تین شکستوں پر ملک بھر میں ہاکی کے حلقوں میں غم و غصے کا اظہار کیا جارہا ہے۔ ہفتے کو دوسرے میچ میں میزبان آسٹریلیا نے جاپان کو 6-1سے مات دی ، فائنل اتوار کو نیوزی لینڈ اور آ سٹریلیا کے درمیان کھیلا جائے گا، ہفتے کے میچ میں پاکستان کی جانب سے عمر بھٹہ اور عماد شکیل بٹ نے گول اسکور کئے ، نیوزی لینڈ کے گول ہائیڈن فلپس، جارج میور اور مارکوس چائیلڈ نے بنائے ۔
فرمان الہی
نماز کے اوقات
