کراچی(اسٹاف رپورٹر) چار قومی ہاکی ٹور نامنٹ میں قومی ہاکی ٹیم کی شکست پر سابق ہاکی اولمپئناور انٹر نیشنل کھلاڑیوں نے سخت مایوسی کا اظہار کیا ہے، سابق کپتان سمیع اللہ نے کہا کہ صورت حال مزید خراب ہوگئی ہے، پاکستان ہاکی میں بڑے آپریشن کی ضرورت ہے، سابق کپتان حنیف خان نے کہا کہ جب تک اکھاڑ پچھاڑ جاری رہے گی ٹیم تیار نہیں ہوسکتی۔ سابق کپتان منظور جونیئر نے کہا ہے کہ آج ہاکی مکمل طور پر تباہ ہوگئی ،پاکستان کی ہاکی اس وقت تک دوبارہ کسی بہتر مقام پر نہیں آسکتی جب تک پاکستان ہاکی فیڈریشن میں میرٹ پر تقرریاں نہیں ہوں گی اور پسند ناپسند کو ختم نہیں کیا جائے گا۔انٹر نیشنل کھلاڑی محمد علی خان نےکہا کہ کھلاڑیوں کی کار کردگی خاصی مایوس کن رہی۔
فرمان الہی
نماز کے اوقات
