بہاولپور(نمائندہ جنگ) گیٹ کھولنے میں تاخیر، لیگی ایم پی اےنے سی ڈی اے اہلکار کوتھپڑرسید کر دیا،ایپکانے معافی مانگنے کا مطالبہ کر دیا،گزشتہ روز لیگی ایم پی اے سی ڈی اے آفس پہنچے تو ایم ڈی آفس کا مین گیٹ بند تھا ہارن دے کر گیٹ کھولنے کا کہا گیا ،گیٹ پر تعینات گیٹ کیپر احمد رضا نے کہا کہ ایم ڈی آفس میں نہیں ہے جس پر لیگی ایم پی اے نے گیٹ کیپر کو گالیاں دینا شروع کر دیں ، گیٹ کیپر نے احتجاج کیا تو ایم پی اے نےاس کو تھپڑ دے مارا ،واقعہ کی اطلاع پر ملازمین اکٹھے ہو گئے اور ایم پی اے کیخلاف احتجاج کیا، ایپکا کے ڈویژنل صدر رانا وحید سلطان نے کہا کہ ہم ایم پی اے اپنے نازیبا رویہ کی معافی مانگیں بصورت دیگر آفس کی مکمل تالہ بندی ، ایم پی اے کے خلاف احتجاج کیا جائے گا۔
فرمان الہی
نماز کے اوقات
