اسلام آباد(صباح نیوز) عوامی مسلم لیگ کے سربراہ شیخ رشید نے کہا ہے کہ ختم نبوت شق میں ترمیم نوازشریف کی مرضی کے بغیر ممکن نہیں تھی جب کہ حکومت کو عدلیہ سے ٹکرانا بہت مہنگا پڑے گا۔بدھ کو میڈیا سے گفتگو کرتے ہوئے انہوں نے کہا کہ نااہل شخص کو اہل قرار دینا آئینی طور پر ناممکن ہے، اس طرح تو اجمل پہاڑی اور عزیر بلوچ کو بھی وزیراعظم بنایا جاسکتا ہے، تاہم امید ہے کہ سپریم کورٹ انتخابی اصلاحات ایکٹ کو ختم کر دے گی جبکہ حکومت کو عدلیہ سے ٹکرائو بہت مہنگا پڑے گا۔ ختم نبوت کی شق کے حوالے سے انہون نے کہا کہ نوازشریف کے بغیر یہ کام ممکن نہیں تھا جب کہ وزیر خزانہ اور نوازشریف سب اقامے والے ہیں انہوں نے کہا کہ ہر محلے کو اوسط بل ڈال دیا جاتا ہے میٹر ریڈنگ کی اہمیت ہی نہ رہی، بجلی والوں کو روزانہ 14 ہزار چالان کرنے کا حکم ہے جب کہ پولیس کو بھی لازمی چالان روزانہ کرنے کا ٹاسک ملتا ہے۔ انہوں نے کہا کہ جو واپڈا افسر ٹارگٹ بل پورا نہیں کرتا اور حقائق پر جاتا ہے تو اس کا تبادلہ کردیا جاتا ہے، میں نے کبھی ذاتی کیس پیش نہیں کیا مگر میرے ہاسٹل میں گیس چلی نہیں اور 40 ہزار کا بل بھیج دیا۔
فرمان الہی
نماز کے اوقات
