فرمان الہی
نماز کے اوقات
امیر جماعت اسلامی پاکستان سینیٹر سراج الحق نے کہا ہے کہ پاکستان آزاد اور خود مختار ملک ہے اور امریکی ڈو مور کے لئے ہر گز تیار نہیں ۔
امیر جماعت اسلامی نے خیبر ٹیچنگ اسپتال پشاور میں زرعی تربیتی ادارے پر دہشت گردوں کے حملے میں زخمی افراد کی عیادت کی۔
اس موقع پر میڈیا سے گفتگو میں سراج الحق نے کہا کہ دورہ پاکستان کے دوران امریکی وزیر دفاع جیمز میٹس پر واضح کیا جائے کہ پاکستان خود مختار ملک ہے ۔
ان کا کہناتھاکہ دہشت گردی کے واقعات عوام کے حوصلے پست نہیں کرسکتے، پڑوس میں چھپے لوگ ہمارے ملک کو سبوتاژ کرنے کی ناکام کوشش کررہے ہیں۔
امیر جماعت اسلامی نے مزید کہا کہ دہشت گردی کے خاتمے کا حل اس کیخلاف متحد ہوکر مقابلا کرنا ہیں۔
سراج الحق کے مطابق خطے میں سارا انتشار امریکہ کی وجہ سے ہے، دورہ پاکستان کے دوران امریکی وزیر دفاع پر واضح کرنا ہوگا کہ پاکستان ڈومور کے لئے ہر گز تیار نہیں ۔
ان کا کہنا تھا کہ امریکہ کی افغانستان سے جانے کیساتھ ہی پاکستان میں امن قائم ہوگا ۔
