لندن(ودود مشتاق) عوامی مسلم لیگ کے سربراہ شیخ رشید احمد نے کہا ہے کہ اگلے دو ماہ کے دوران لندن، دوبئی،ا سپین، امریکا اور جرمنی سمیت دنیا بھر میں ان پاکستانیوں کے اکاونٹس منجمد ہوجائینگے جنہوں نے پاکستان سے لوٹ مار کے ذریعے دولت بیرون ملک جمع کرا رکھی ہے۔ وہ گزشتہ روز پاکستان روانگی سے قبل لندن میں پریس کانفرنس سے خطاب کر رہے تھے۔ انہوں نے کہا کہ پاکستان تحریک انصاف اور عوامی مسلم لیگ ملک کی مذہبی قوتوں سے مل کر انتخابی اتحاد بنائے گی، عمران خان اور مولانا سمیع الحق کی ملاقات وقت کا اہم تقاضا تھی جسے تمام قوتوں کی پشت پناہی حاصل تھی۔ ایک سوال کے جواب میں شیخ رشید احمد نے کہا کہ جسٹس نجفی رپورٹ کو منظر عام پر لانے کے عدالتی فیصلے کے بعد وہ شہباز شریف کو بھی پھانسی پر لٹکتے ہوئے دیکھ رہے ہیں ۔
فرمان الہی
نماز کے اوقات
