ملتان( سٹاف رپورٹر) سٹی پولیس آفیسر ملتان سرفراز احمد فلکی کی ہدایت پر ڈسٹرکٹ ملتان میں کانسٹیبلان کی بھرتی کا عمل جاری ہے۔جس میں جسمانی پیمائش کا آج پہلا دن تھا۔جسمانی پیمائش کا عمل تین روز تک جاری رہے گا۔کل 418 آسامیوں کے لیے 6774 امید وار حصہ لے رہے ہیں۔خواتین کے پندرہ فیصد کوٹہ کے لیے 322 خواتین امیدوار شامل ہیں۔ پہلے روز جسمانی پیمائش کے امتحان میں 2747 امیدواران بشمول خواتین امیدواران کو شامل کیا گیا۔ جن میں سے 1081 امیدواران جسمانی پیمائش میں پاس ہوئے۔821 امیدواران جسمانی پیمائش میں فیل ہوئے جبکہ 845 امیدواران غیر حاضر پائے گئے۔ جسمانی پیمائش کے دوران 6 ڈی ایس پیز ،13 انسپکٹرز، 13 سب انسپکٹرز، 24 اے ایس آئی،15 ہیڈ کانسٹیبل، 13 کانسٹیبلان ڈیوٹی سر انجام دے رہے ہیں، آر پی او بہاولپور راجہ رفعت مختار کی سربراہی میں سٹی پولیس آفیسر ملتان سرفراز احمد فلکی اور ایس ایس پی اطہر وحید بھرتی کے سارے عمل نگرانی کر رہے ہیں۔ اور اس موقع پر سکیورٹی کے سخت انتظامات کئے گئے ہیں۔
فرمان الہی
نماز کے اوقات
