فرمان الہی
نماز کے اوقات
ملتان کی تحصیل جلال پور پیر والا میں کاونٹر ٹیرریزم اسکواڈ نے کارروائی کرتے ہوئے 2 دہشت گردوں کو ہلاک کردیا ہے۔
سی ٹی ڈی کے مطابق خفیہ اطلاع پر تحصیل جلال پور پیروالا کے علاقے غازی پور میں کارروائی کی گئی، جہاں ملزمان نے سی ٹی ڈی اہلکاروں کو دیکھتے ہی فائرنگ شروع کردی۔
جوابی فائرنگ میں 2 دہشت گرد مارے گئے جبکہ دہشت گردوں کے 3 ساتھی فرار ہوگئے، ہلاک ہونے والے دہشت گردوں کے قبضے سے سے اسلحہ برآمد کرلیا گیا ہے۔
سی ٹی ڈی حکام نے مزید بتایا کہ مارے جانے والے دہشت گرد کالعدم تحریک طالبان کے سرگرم رکن تھےاور ملزمان کرسمس کے موقع پر دہشت گردی کا منصوبہ بنارہے تھے۔
