برمنگھم(پ ر) پاکستان رابطہ کونسل مڈلینڈ کے چیئرمین محمد زبیر شاہین نے کہا ہے کہ شیخ رشید نے عمران خان کو مشورہ دیا ہے کہ وہ جمائما سے پھر شادی کرلیں جس کاعمران خان نے انکار کیا ہے، شیخ رشید کا ماضی اتنا اچھانہیں ہے، وہ پرویز مشرف کے ساتھ بھی تھے اور میاں نواز شریف کی بھی خوشامد کرتے تھے ان پراعتماد نہیں کیا جاسکتا، وہ جمائماکو اپنے جلسے میں شرکت کی دعوت بھی دے رہے ہیں۔ عمران خان کے ساتھ رشتے کی وجہ سے وہ پاکستانی تھیں، طلاق کے بعد دونوں رشتے ختم ہوگئے ہیں اب وہ پاکستان کی سیاست کیسے کر سکتی ہیں۔ انہوں نے کہا کہ پاکستان میں ایسے کوئی برٹش شہری نہیں رہتے جن کو جمائما عمران خان کے لیے ووٹ کی مہم کرسکیں، ان کے پاس دہری شہریت بھی نہیں ہے اور عمران خان دوبارہ ان کے ساتھ شادی کرنے کے لیے تیار بھی نہیں ہیں اورشیخ رشید جو مشورے دے رہے وہ انہوں نے پرویز مشرف کو بھی دیئے تھے اور آج پاکستان کی سرزمین ان کے لیے تنگ ہوگئی ہے ۔
فرمان الہی
نماز کے اوقات
