فرمان الہی
نماز کے اوقات
گلگت بلتستان میں مختلف ٹیکسز کے نفاذ کے خلاف آج گلگت میں احتجاجی دھرنا ہوگا جبکہ بلتستان ڈویژن میں آج چوتھے روز بھی مکمل شٹر ڈاؤن ہڑتال کی جارہی ہے، ادھر دیامر ڈویژن کے ضلع استور میں بھی ہڑتال کی جارہی ہے۔
صدرعوامی ایکشن کمیٹی مولانا سلطان کے مطابق گلگت کے علاقے گھڑی باغ پر مرکزی پنڈال سجایا گیا ہے جہاں ٹیکسز نفاذ کے خلاف اگلے لائحہ عمل کا اعلان کیا جائے گا،گلگت بلتستان کے مختلف شہروں سےمظاہرین قافلوں کی شکل میں دھرنے میں شرکت کریں گے۔
آج بھی ٹیکسز کے نفاذ کے خلاف بلتستان ڈویژن کےتمام اضلاع میں کاروباری مراکز اور پبلک ٹرانسپورٹ بند ہیں،دیامر ڈویژن کے ضلع استور میں بھی آج ٹیکسز کے خلاف ہڑتال کی جارہی ہے۔
