میلبورن (جنگ نیوز ) انگلش کرکٹ ٹیم ایشز سیریز ہارچکی ہے اب وہ اپنی ساکھ کی بحالی اور مداحوں کے چہرے پر مسکراہٹ لانے کیلئے باکسنگ ڈے ٹیسٹ کھیلے گی۔ سیریز کا چوتھا ٹیسٹ منگل سے میلبورن میں شروع ہوگا۔ ابتدائی تین ٹیسٹ ہارنے والی انگلش ٹیم کے اہم کھلاڑیوں کا مستقبل دائو پر لگا دیا ہے۔ خاص طور پر سابق کپتان اور اوپننگ بیٹسمین الیسٹر کک، فاسٹ بولر اسٹیورٹ براڈ اور معین علی کے کیریئر کیلئے میلبورن کا چوتھا اور سڈنی کا پانچواں ٹیسٹ انتہائی اہم ہے۔ الیسٹر کک کی کارکردگی ان دنوں انتہائی غیرتسلی بخش ہے۔ پرتھ میں انہوں کیریئر کا 150واں ٹیسٹ کھیلا ۔ وہ اب تین میچز میں 13.8 کی اوسط سے صرف 83 رنز اسکور کرپائے ہیں۔ وہ گذشتہ 27 اننگز میں صرف ایک بار سنچری اور تین ففٹیز ہی اسکور کرسکے ہیں۔ سیریز کے سے قبل آسٹریلین آف اسپنر ناتھن لائن نے انہیں ہدف بناتے ہوئے کہا تھا کہ ایشز سیریز کئی انگلش کرکٹرز کے مستقبل کا فیصلہ کردے گی۔ البتہ موجودہ سیریز میں ابھی دو ٹیسٹ باقی ہیں، جس میں چار اننگز انہیں سلیکشن کا اہل ثابت کرنے کیلئے دستیاب ہوں گی۔ ادھر معین علی کیلیے بھی حالات زیادہ اچھے نہیں، اب تک سیریز میں وہ 116 رنز بنانے اور صرف تین وکٹ لینے میں کامیاب ہوئے ہیں۔وہ ہاتھ کی انجری کا بھی شکار ہوگئے ہیں، انگلش انتظامیہ کے پاس اب انہیں ڈراپ کرکے میسن کرین کو آزمانے کا آپشن موجود ہے۔ اسی طرح فاسٹ بولر اسٹورٹ براڈ نے بھی ٹیم کو بہت مایوس کیا ہے۔ ان کی کارکردگی صرف پانچ وکٹ اور مجموعی طور پر 45رنز تک محدود ہے۔دوسری جانب ہوم ٹیم کو فاسٹ بولر مچل اسٹارک کی خدمات حاصل نہیں ہوں گی۔
فرمان الہی
نماز کے اوقات
