اراولپنڈی(اپنے رپورٹر سے) راولپنڈی میں بھی مسیحی برادری نےکرسمس جوش و خروش سے منایا۔دن کا آغاز گرجا گھروں میں دعائیہ تقریبات سے ہوا۔کرسمس کے موقع پر چرچز کو بھی سجایا گیا تھا۔ مختلف مقامات پر کرسمس ٹریز اور ڈیوڈسٹارز آویزاں کرکے ان کورنگ برنگے قمقموں کے ذریعے خوبصورت انداز میں سجایا گیاتھا ۔ گرجاگھروں میں خصوصی دعائیہ تقریبات اور عبادات کے ساتھ ساتھ کرسمس کیک بھی کاٹے گئے ۔ کرسمس کے حوالے سے تقریبات کا سلسلہ گزشتہ رات سے ہی شروع ہوگیا تھا۔ اس موقع پر گرجا گھروں میں خصوصی دعائیہ تقریبات میں بچوں ،خواتین اور مسیحی برادری کی بڑی تعدادنے اپنی مذہبی رسومات ادا کیں راولپنڈی میں یو پی چرچ جہ بازار کیتھولک چرچ ہولی فیملی، کرسچن کالونی ڈبل روڈ اور کیتھولک چرچ لالکڑتی سمیت تمام گرجا گھروں میں عبادات کا اہتمام کیا گیا اس موقع پر ملکی سلامتی ترقی اور خوشحالی کیلئے خصوصی دعا کی گئی مسلمان کمیونٹی بھی مسیحی برادری کی خوشیوں میں شریک رہی۔ڈی سی راولپنڈی طلعت محمود گوندل اور دیگر افسران نے شہر کے مختلف حصوں میں دورہ کرکے چرچز کے سیکورٹی انتظامات کا جائزہ لیا۔تقریبات کا سلسلہ رات گئے تک جاری رہا۔
فرمان الہی
نماز کے اوقات
