راولپنڈی(این این آئی)راولپنڈی میں اپنے ہی خاندان کے 25 افراد کو یرغمال بنانے والے ذہنی طور پر بیمار مسلح ملزم کو پولیس نے زخمی حالت میں گرفتار کرلیا ۔ پولیس ذرائع کے مطابق ملزم کے پاس دو پستول تھے اور وہ وقتاً فوقتاً فائرنگ بھی کرتا رہا جس کی زد میں آکر اس کا سسر اکبر ہلاک جبکہ ایلیٹ فورس کا ایک اہلکار خرم زخمی ہوگیا۔ گزشتہ رات پولیس کو اطلاع ملی تھی کہ ایک شخص نے 22 سے 25 افراد کو یر غمال بنا رکھا ہے۔ گھر میں عورتوں اور بچوں کے ہونے کے باعث پولیس نے پہلے آپریشن کو ترجیح نہیں دی تھی اور اس مسلح شخص کے گھر والوں سے بات کرنے کی کوشش کی تھی۔
فرمان الہی
نماز کے اوقات
