شینزن، چین ( جنگ نیوز) عالمی نمبر ایک سیمونا ہیلپ نے امریکی پلیئر نکول گبس کو شینزن اوپن میں شکست دیدی جبکہ ماریہ شراپووا نے بھی اسٹریٹ سیٹس میں رومانیہ کی ماہیلا بوزرنسکو کو افتتاحی میچ میں ہرا دیا ۔ سیمونا ہیلپ نے نکول گبس کو 6-4، 6-1 سے شکست دی ۔ چین کی ینگ ینگ نے ایوجینا راڈینا کو 6-2، 7-5سے زیر کیا ۔ روسی ٹینس اسٹار ماریہ شراپووا نے بوزرنسکو کو اسٹریٹ سیٹ میں 6-3، 6-0سےہرایا۔ شینزن میں اپنی جیت کے حوالے سے کہا کہ یہ رواں برس کی میری فتح ہے ، میں بہت خوش اور ان لمحات کو انجوائے کر رہی ہوں ۔ شراپووا کو اگلے مرحلے میں 2017 کی رنز اپ الیسن رسکے کا سامنا ہے ۔جنہوں نے چین کی وینگ کیانگ کو شکست دی ۔ علاوہ ازیں ڈانکا کووینک نے یونان کی ماریہ سکاکاری کو 4-6،6-2، 6-3اور میزبان ملک کی زین شوئی نے روس کی اینا بلنکووا کو 6-3، 6-4سے زیر کیا ۔
فرمان الہی
نماز کے اوقات
