فرمان الہی
نماز کے اوقات
اسلام آباد(صباح نیوز) مسلم لیگ (ن) کے رہنمائوں نے کہا ہے کہ عمران خان ناکام سیاستدان ہیں، اب پرویز مشرف کو کٹہرے میں لائینگے۔ وزیر مملکت برائے اطلاعات مریم اورنگزیب نے کہا ہے کہ عمران خان ایک ناکام سیاست دان ہیں، پاکستان کے عوام نے انھیں وزیراعظم نہیں بنائیں گے اسکے باوجود وہ وزیر اعظم بننے کی ناکام کوشش کررہے ہیں۔مریم اورنگزیب نے کہا کہ عمران نے جعلی شاہ رخ بننے کی کوشش کی، طلال چوہدری نے کہا کہ صادق و امین کا فیصلہ عوام کرینگے، کیپٹن ریٹائرڈ صفدر نے کہا کہ مشرف کو کٹہرے میں لائیں گے۔بدھ کو احتساب عدالت کے باہر میڈیا سے گفتگو کرتے ہوئے وفاقی وزیر اطلاعات مریم اورنگزیب کا کہنا تھا کہ نواز شریف پھر عدالت میں پیش ہو ئے ان لوگوں سے پوچھا جائے جو کل کہہ رہے تھے کہ سعودی عرب میں این آر او ہو رہا ہے۔ مریم اورنگزیب کا کہنا تھا کہ پی ٹی آئی چیئرمین عمران خان اچھے سیاستدان تو نہ بن سکے اب وہ جعلی شاہ رخ بننے کی کوشش کر رہے ہیں اور عمران خان نے جو کل ٹویٹ کیا اس میں وہ جعلی خان لگانا بھول گئے۔
