لاہور(نمائندہ جنگ) طاہر القادری نے کہا کہ احتساب کی گھڑی آپہنچی ہے ،قاتلوں کی لوٹ مار کی دولت اور کوئی تدبیر اب ان کے کام نہیں آئے گی،قاتلو ملک و قوم کی جان چھوڑ دو،مال روڈ احتجاج میں زرداری ،عمران کی شرکت کا خیر مقدم کرتے ہیں، مال روڈ احتجاج میں آصف زرداری اور عمران خان کی شرکت کے اعلان کا خیر مقدم کر تے ہیں ،ظلم اور ناانصافی کے خاتمے کیلئے تمام طبقات احتجاج میں شریک ہوں، پورا ملک سراپا احتجاج ہے اب ’’قاتلو ملک و قوم کی جان چھوڑ دو‘‘تحریک چلے گی اور قاتل اپنے عبرتناک انجام کو پہنچیں گے، گزشتہ روز سینئر ر ہنماؤں سے گفتگو کر تے ہوئے انہوں نے کہا کہ پولیس وہی کرتی ہے اشرافیہ جس کا حکم دیتی ہے، پنجاب پولیس ہٹلر کی گسٹاپو فورس بن چکی اور وزیر اعلیٰ،وزراء،ایم پی اے، ایم این ایز کے حکم پر مخالفین کو ٹھکانے لگا رہی ہے ،عوام چوروں،قاتلوں، ڈاکوؤں کے رحم و کرم پر ہیں، اے پی سی کے اعلان کردہ مال روڈ احتجاج میں ناانصافی کا شکار کسان، مزدوراور کلرک شرکت کر ینگے، وکلاء، ینگ ڈاکٹرز بھی ماڈل ٹاؤن کے مظلوموں کے ساتھ کھڑے ہو نگے،شریف راج کے خاتمہ کیلئے عوام ایک پیچ پر آگئے۔
فرمان الہی
نماز کے اوقات
