آپ آف لائن ہیں
بدھ 8؍ شعبان المعظم 1439ھ 25؍ اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
The New Ministers Of Balochistan Were Handed Over To The Departments

بلوچستان کی کابینہ میں حلف اٹھانے والے وزرا کو محکموں کے قلمدان سونپ دیے گئے ہیں ، میر سرفراز بگٹی کو ایک مرتبہ پھر داخلہ امور ، جیل خانہ جات اور پی ڈی ایم اے کے محکمے مل گئے ۔بلوچستان کے نئے وزیراعلیٰ عبدالقدوس بزنجو کی 14رکنی کابینہ نے حلف اٹھا لیا، 5 مشیر بھی مقررکیے گئے ہیں۔

سرکاری نوٹیفکیشن کے مطابق طاہر محمود کو تعلیم ، سرفراز چاکر ڈومکی کو محکمہ ماہی گیری اور نواب جنگیز خان مری کو آب پاشی و توانائی کے محکمہ دیے گئے ہیں۔

x
Advertisement

ان کے علاوہ جعفر خان مندوخیل زراعت ، عبدالماجد ابڑو صحت ، مسز راحت فائق جمالی محنت ، افرادی قوت ، صنعت و حرفت ، میر عامر رند محکمہ نظم ونسق ، میر غلام دستگیر بادینی بلدیات ، دیہی ترقی اور پی اینڈ ڈی کے وزیر مقرر کئے گئے ہیں ۔

اسی طرح محمد اکبر اسکانی معدنیات ، سید محمد رضا قانون ، جنگلات و جنگلی حیات ، حیوانات اور ڈیری ڈیولپمنٹ ، عاصم کرد گیلو محکمہ مواصلات و تعمیرات ، منظور احمد کاکڑ ریونیو ، پرنس احمد علی سائنس ، انفارمیشن ٹیکنالوجی اور ماحولیات کے وزیر ہوں گے۔

​​
Chatاپنی رائے سے آگاہ کریں