ملتان (سٹاف رپورٹر) معصوم بچوں اور بچیوں کے بے دردی سے قتل کی وارداتوں میں اضافے پرتاجروں اور عوام میں سخت عدم تحفظ پایا جاتاہے ۔ ان خیالات کا اظہار انجمن تاجران جنوبی پنجاب کے صدر شیخ جاوید اختر نے انجمن تاجران چونگی نمبر5 نواب پور روڈ کے عہدیداران کو مبارکباد کے موقع پر کہا۔ اس موقع پر انجمن تاجران چونگی نمبر5 نواب پور روڈ کے صدر عبدالعزیز بوسن، جنرل سیکرٹری سلیمان راجپوت اور سرپرست اعلیٰ خضر بوسن نے کہا کہ ہمارا الحاق انجمن تاجران ملتان شہر کے صدر عارف فصیح اللہ کے ساتھ ہے۔ اس موقع پر تاجر ر ہنما محسن خان، ملک خالد، قاری عابد حسین، محمد عمران، وسیم حسین، محمد فاروق، مہر غلام شبیر، جام سجاد، شیخ محمد اسماعیل، نجیب اللہ خان، شہباز خان، ملک خرم، فخر عباس بھٹی نے بھی انجمن تاجران ملتان شہر کے ساتھ الحاق کا اعلان کیا۔ اس موقع پر انجمن تاجران دولت گیٹ کے صدر ملک تنوید لنگاہ، انجمن تاجران سبزی منڈی کے جنرل سیکرٹری ندیم قریشی، انجمن تاجران مدینہ کلاتھ مارکیٹ کے صدر مقصود انصاری، انجمن تاجران بیڈ شیٹ مارکیٹ کے صدر محمد یونس انصاری، انجمن تاجران گول باغ کے صدر راشد خانزادہ، انجمن تاجران راوی کلاتھ مارکیٹ کے چیئرمین اسلم قریشی اور انجمن تاجران ابدالی روڈ کے صدر زین العابدین نے بھی نومنتخب عہدیداروں کو مبارکباد پیش کی۔
فرمان الہی
نماز کے اوقات
