اسلام آباد(خصوصی نامہ نگار) راولپنڈی اسلام آباد کے مختلف علاقوں میں ڈکیتی، سرقہ بالجبر، نقب زنی، چوری کی وارداتوں میں لاکھوں روپے کی نقدی، چوری اورخیانت مجرمانہ کی وارداتوں میں لاکھوں روپےکی نقدی، زیورات، انعامی بانڈز اوردیگر قیمتی اشیا کے علاوہ کاریں اور موٹرسائیکل بھی اڑا لئے گئے۔ تھانہ کراچی کمپنی پولیس کو جی نائن فور کے رہائشی چائینز باشندے چن چونگ نےبتایا کہ تین نامعلوم مسلح ملزمان اس کے گھر داخل ہوئے اور اسلحہ کی نوک پر نقدی اور موبائل فون وغیرہ چھین کر لے گئے ۔ واضح رہے کہ چند روز قبل تھانہ رمنا کی حدود میں چائینز خاتون کے گھر ڈکیتی کی واردات ہوئی تھی جس میں مزاحمت پر خاتون زخمی ہو گئی تھی جو ہسپتال میں زیر علاج رہنے کے بعد زخموں کی تاب نہ لاتے ہوئے جاں بحق ہو گئی تھی ۔ راولپنڈی کے تھانہ وارث خان کے علاقے کمیٹی چوک میں دومسلح افراد یاسر اختر کی گاڑی سے پرس جھپٹ کرلے گئے جس میں ساڑھے 36 ہزار روپے کی رقم موجود تھی، تھانہ صادق آباد کے علاقے سروس روڈ پر اصغر علی سے تین مسلح موٹرسائیکل سواراسلحہ کی نوک پر 10ہزار کی نقدی، کیمرہ، دو موبائل اور موٹرسائیکل کے کاغذات تھےچھین کر فرار ہوگئے، اسی تھانے کے علاقےڈھوک کشمیریاں میں تین مسلح موٹرسائیکل سوار بشیر احمد سکنہ کرال ٹائون سے 33 ہزار روپے اور دوموبائل فون چھین کر لے گئے۔ تھانہ نصیر آباد کےعلاقے برٹش ہومز سے دو مسلح موٹرسائیکل سوار ایک شخص سے ساڑھے 8 ہزار اور اس کے دوست سجاد سے موبائل فون اور پونے چار ہزار روپے چھین کر چلتےبنے۔ تھانہ سول لائن کےعلاقے لال کڑتی سے شبیر بھٹی کی مہران کار آئی ڈی ایم 9253 چوری ہوگئی۔ تھانہ صدر بیرونی کے علاقے جنجوعہ ٹائون میں ایڈووکیٹ حنانعمان کو لوٹنے کی کوشش ناکام ہوگئی خاتون کے شور مچانے پر مسلح ڈاکو بھا گ گئے۔ اسی تھانے کے علاقے علی ٹائون میں گھریلو ملازمہ اہل خانہ کونشہ آور مشروب پلاکر دوکڑے،چار بالیاں، ایک لاکٹ اور دو انگوٹھیاں لے کر چلتی بنی، تھانہ کہوٹہ کےعلاقے لیڑی میں راجہ زاہد حسین کی ملکیتی سوا لاکھ روپے مالیت کی شیشم لکڑی چوری ہوگئی ۔تھانہ کلرسیداں کے علاقے سالگراں میں مہتاب حسین کے گھر سے لاکھوں روپے مالیت کا گھریلو سامان چوری ہوگیا،مدعی مقدمہ نے محمد شفیق اور اس کے بیٹوں پرشبہ ظاہر کیا ہے۔ تھانہ کینٹ کے علاقے راحت کیفے سے خالد خان کی مہران کار ایس اے سی496 چوری ہوگئی۔ تھانہ کراچی کمپنی پولیس کو عابد نعیم نے بتایا کہ نامعلوم ملزمان اس کا 125موٹر سائیکل نمبراے بی کیو220 چوری کر کے لے گئے ، تھانہ گولڑہ پولیس کو پرویز خان نے بتایا کہ نامعلوم ملزمان اس کی دکان کے تالے توڑ کر گھی ، تیل ، صابن اور دیگر کریانے کا سامان چوری کر کے لے گئے ، تھانہ ترنول پولیس کو شعیب انجم نے بتایا کہ نامعلوم ملزمان اس کی گاڑی سے نقدی چوری کر کے لے گئے ، تھانہ کھنہ پولیس کو محمد عمران نے بتایا کہ نامعلوم ملزمان اس کا موٹر سائیکل RIK-2707چوری کر کے لے گئے ، اسی تھانے کی پولیس کو طارق محمود نے بتایا کہ 2نامعلوم مسلح موٹر سائیکل سوار ملزمان اس کی دکان میں داخل ہوئے اور ملازم محب سے نقدی اور موبائل فون چھین کر لے گئے ، تھانہ لوہی بھیر پولیس کو محمد کامران نے بتایا کہ شبیر علی اور سعید اس کی فیکٹری سے مشینری اور دیگر سامان چوری کر کے لے گئے ۔ سہالہ پولیس نے شمیم احمد کی رپورٹ پر خاور ایوب کے خلاف نیٹ فیکٹری میں خورد برد کا مقدمہ درج کرلیا۔ مختلف واقعات میں بھاری مالیت کے چیک ڈس آنر ہونے پر مقدمات درج کرلئے گئے۔
فرمان الہی
نماز کے اوقات
