کراچی (اسٹاف رپورٹر) فردوس اتحاد سوشل ویلفیئر آرگنائزیشن کے زیر اہتمام محکمہ نوجوانان امور حکومت سندھ کے تعاون سے تیسرا بینظیر بھٹو شہید انٹر کالجیٹ تقریری مقابلہ 15فروری کو گورنمنٹ کامرس ہومکنامکس کالج کراچی میں منعقد ہوگا۔ تقریری مقابلے کا عنوان ’شہید بے نظیر بھٹو ایک تاریخ ساز شخصیت ‘ ہوگا۔ مقابلے کے منتظم اعلیٰ غلام محمد خان نے مقابلے میں شرکت کی خواہشمند کالجز کی طالبات کو ہدایت کی ہے کہ وہ 13فروری تک کامرس کالج کے پرنسپل سید سرور علی شاہ یا DPEرفعت جمال کو اپنی شرکت کی تصدیق کرائیں۔ مقابلے کے اختتام پر وزیر اعلیٰ سندھ سید مراد علی شاہ مقابلے کے شریک طالبات اور پہلی، دوسری اور تیسری پوزیشن حاصل کرنے والی انعام یافتگان کو ٹرافی اور نقد انعامات و اسناد پیش کرینگے ۔
فرمان الہی
نماز کے اوقات
