کراچی ( اسٹاف رپورٹر )کے ایچ اے صدد ڈاکٹر جنید علی شاہ نے کہا ہے کہ اولمپئن توقیر ڈار کی دعوت پر کراچی ہاکی ایسوسی کی ہاکی ٹیم مارچ میں لاہور کا دورہ کرے گی۔ جس کے لئے سلیکشن کمیٹی تشکیل دے دی ہے جس کے چیئرمین جمیل احمد خان جبکہ ممبران میں صمصام قادر شاہ، گلفراز احمد خان، ملک اشرف اور اعجاز الدین ہونگے۔تین روزہ ٹرائلز 16،17،18 فروری کو کراچی ہاکی کمپلیکس میں 3 بجے ہونگے۔ کے ایچ اے کی جانب سے تمام کلبس سیکریٹریز کو کہا گیا ہے کہ وہ کھلاڑیوں کو ڈاکٹر ایس اے ماجد کو رپورٹ کرنے کی ہدایات دیں۔ کے ایچ اے سیکریٹری حیدر حسین نے مزید بتایا کہ کراچی ہاکی ایسو سی ایشن کی جانب سے ہاکی ٹیم کو ملک کے دیگر ایسوسی ایشن و اکیڈمیز کے ساتھ دوستانہ میچ کیلئے بھیجا جائے گا تاکہ کھلاڑیوں کی حوصلہ افزائی ہو اور وہ مستقبل میں ملک کیلئے بہترین کھیل کا مظاہرہ کرسکیں۔
فرمان الہی
نماز کے اوقات
