کراچی (اسٹاف رپورٹر) سائوتھ ایشین گیمز کے لئے قومی وائٹ ٹیم کے ٹرائلز منگل کو ہاکی کلب میں مکمل ہوگئے ، تاہم چیف سلیکٹر کی اسلام آباد سے کراچی کے لئے فلائٹ مس ہوجانے کی وجہ سے حتمی ٹیم کا اعلان نہیں کیا جاسکا۔ منگل کو ہاکی کلب میں قومی وائٹ ٹیم کے ٹرائلز میں کیمپ میں موجود کھلاڑیوں کے درمیان میچ کھیلا گیا جس کو صرف دوسلیکٹر وسیم فیروز اور فرحت خان نے دیکھا۔ اس موقع پر پی ایچ ایف کے صدر بریگڈئیر(ر) خالد کھوکھر اور سیکریٹری شہباز احمد بھی موجودتھے۔ انہوں نے بھی کھلاڑیوں کے درمیان ہونے والے ٹرائلز میچ کو دیکھا۔ چیف سلیکٹر رشید جونیئراسلام آباد سے کراچی آنے والی فلائٹ مس کر گئے۔ ان کا بورڈنگ کارڈ بھی نکل گیا تھا۔ قومی سلیکشن کمیٹی کے ایک اور رکن سعید خان نجی کام کے سلسلے میں پیرس میں ہیں جنہوں نے ٹرائلز نہیں دیکھا،دو سلیکٹر فرحت خان اور وسیم فیروز نے پی ایچ ایف کے حکام کے ساتھ مشاورت سے قومی وائٹ ٹیم کو حتمی شکل دے دی ہے جس کا اعلان بدھ کو کیا جائے گا۔
فرمان الہی
نماز کے اوقات
