دنیا کے بڑے ملکوں میں فوجی اخراجات کے رجحان میں تبدیلی آرہی ہے۔ امریکا اور برطانیہ کے دفاعی اخراجات میں کمی جبکہ چین، روس اور بھارت میں اضافہ ہو رہا ہے۔
امریکا کے مقابلے میں چین اور روس عسکری جدت پر بھی تیزی سے گامزن ہیں ، گزشتہ ہفتے ہی چین نے چینگ ڈو، جے 20 ، نامی پانچویں نسل کے اسٹیلتھ جنگی طیارے کے فعال ہونے کا اعلان کیا ۔
یہ طیارہ امریکا کے ایف 22 اور ایف 35 کے مقابلے میں تیار کیا گیا ہے۔
اسی طرح روس بھی اپنے سرد جنگ کے زمانے کے فوجی ساز و سامان کو جدید خطوط پر استوار کر رہا ہے۔
ماسکو نے حال ہی میں،سوو57 اسٹیلتھ طیارے اور ٹی 14 ٹینک کی رونمائی کی ۔