اسلام آباد(نمائندہ جنگ)وفاقی وزیراطلاعات و نشریات مریم اورنگزیب نے کہاہے کہ جنگ میڈیاکرکٹ لیگ جنگ گروپ کاایک احسن اقدام ہے اس کے صحت مندانہ سرگرمیوں میں اضافہ ہواہے میں اس کرکٹ لیگ میں شریک تمام میڈیاگروپس ،اشتہارات کی کمپنیوں سمیت آرگنائزرزکومبارکباد پیش کرتی ہوں یہ بات انہوں نے نیشنل کرکٹ گرائونڈ اسلام آباد میںجنگ میڈیالیگ کرکٹ ٹورنامنٹ کی افتتاحی تقریب سے خطاب کرتے ہوئے کہی۔ اس موقع پر جنگ گرو پ کے سید امجدعلی، حافظ طاہرخلیل، شہزادشاہ جیلانی، آصف چوہدری، عرفان صدیق، شاہد احمد سمیت ٹورنامنٹ میں شریک تمام سپانسرز کے نمائندے اوراسلام آباد چیمبرکے نمائندے بھی موجود تھے۔ افتتاحی روز 6میچز کھیلے گئے اس موقع پر جڑواں شہروں کے کرکٹ تماشائیوں کی ایک بڑی تعدا دبھی موجود تھی۔ گرائونڈ آمد پر سید امجد علی حافظ طاہرخلیل اورسپانسرز کے نمائندوں نے مہمان خصوصی کو خوش آ مدید کہا۔مہمان خصوصی نے ٹورنامنٹ میں شریک20ٹیموں کے نمائندوں میں کرکٹ کٹس بھی تقسیم کیں۔ بعدازاں اخبارنویسوں سے بات چیت میں وفاقی وزیرمحترمہ مریم اورنگزیب نے کہا کہ ہم آزادی صحافت کو ماننے والے ہیں۔ جمہوریت کوتقویت مل رہی ہے۔ انٹرنیشنل اورنیشنل سطح پر کرکٹ کو بحال کررہے ہیں پی ایس ایل کے میچز کرارہے ہیں۔
فرمان الہی
نماز کے اوقات
