کراچی (اسٹاف رپورٹر) 12ویں ساؤ تھ ایشین گیمز کیلئے پاکستان (وائٹ) ہاکی ٹیم کا اعلان کردیا گیا۔ٹیم کی قیادت پی آئی اے کو نیشنل چیمپئن بنانے والے اولمپئن محمد عرفان کو سونپی گئی ہے جبکہ فرید احمد کو نائب کپتان مقررکیا گیا ہے۔ حیرت انگیز طورپر پاکستان نیوی کے کپتان اولمپین راشد محمود اور قومی ہاکی چیمپئن شپ کے ٹاپ اسکورر احسان اللہ کوشامل نہیں کیا گیا ۔توقع کے مطابق ٹیم کا اعلان ہاکی فیڈریشن کی جانب سے پریس ریلیز کے ذریعہ کیا گیا۔اولمپئن عبدالحسیم خان کی واپسی ہوئی ہے۔اولمپئن راشد محمود اورچیمپئن شپ کے ٹاپ اسکورر احسان اللہ کو ڈراپ کیا گیا جبکہ انکی جگہ تیمور ملک اور سید کاشف شاہ کو ٹیم میں شامل کرلیا گیا، دیگر کھلاڑیوں میں عمران بٹ ، محمد علیم بلال، یاور عباس، محمد رضوان، اولمپئن محمد توثیق ارشد، محمد عمر بھٹہ، محمد کاشف علی، علی شان، محمد ارسلان قادر، اولمپئن عبدالحسیم خان، سمیع اللہ اور اویس الرحمن شامل ہیں۔
فرمان الہی
نماز کے اوقات
