اپتوکی (جنگ نیوز) مسلم لیگ ن کے قائم مقام صدر اور وزیراعلی پنجاب شہباز شریف نے کہا ہے کہ عمران خان نے خیبر پختونخوا کا بیڑہ غرق کر دیا ، پشاور کو کھنڈر بنادیا، پشاور کا میٹرو مسلم لیگ (ن) بنائیگی اور ایک سال میں بنائیگی اور اگر کراچی کے عوام نے ووٹ دیا تو اسےبھی لاہور بنا دیں گے۔ پتوکی میں جلسے سے خطاب کرتے ہوئے شہباز شریف کا کہنا تھا کہ نواز شریف نے مجھے مسلم لیگ (ن) کا قائم مقام صدر بنایا ہے، نواز شریف کی پارٹی صدارت تو چھن گئی لیکن دلوں سے ان کی محبت نہیں جا سکتی کیونکہ نواز شریف پورے پاکستان کی آن، بان اور شان ہیں اور وہ ہمیشہ پارٹی قائد رہیں گے۔ شہباز شریف نے چیئرمین تحریک انصاف کو تنقید کا نشانہ بناتے ہوئے کہا کہ عمران خان نے دن رات جھوٹ بول کر قوم کو گا لیا ں سکھانے میں محنت کی، چیف جسٹس میرے خلاف عمران کے الزامات پر فل بینچ بنائیں۔شہباز شریف کا کہنا تھا کہ عمران خان جس فیصل سبحان کی بات کر رہے ہیں چین اس کی کمپنی کو بلیک لسٹ کر چکا ہے، چیف جسٹس آف پاکستان فیصل سبحان والے معاملے کا نوٹس لیں اور اس کی تحقیقات کریں، مجھ پر الزام ثابت ہو گیا تو میں سیاست چھوڑ دوں گا اور اگر الزامات ثابت نہ ہوئے تو خان صاحب سیاست چھوڑ کر ہجرے میں بیٹھ جائیں اور جھوٹ بولنا بند کر دیں۔ انہوں نے کہا کہ میں نے پہلے بھی عمران خان کے جھوٹ کے خلاف 10 ارب روپے ہرجانے کا دعویٰ کر رکھا ہے لیکن انہوں نے کوئی جواب نہیں دیا۔ قائم مقام صدر مسلم لیگ (ن) نے کہا کہ اگلا الیکشن پاکستان کی ترقی اور خوشحالی کا الیکشن ہے، اگلے الیکشن میں پورے پاکستان میں مسلم لیگ (ن) کی حکومت ہو گی۔
فرمان الہی
نماز کے اوقات
