فرمان الہی
نماز کے اوقات
وزیراعظم شہباز شریف نے بجلی کی ترسیل کار اور پیداواری کمپنیوں کی نجکاری تیز کرنے کی ہدایت کردی ہے۔
اسلام آباد میں وزیراعظم شہباز شریف کی زیرصدارت بجلی کے شعبے میں اصلاحات سے متعلق جائزہ اجلاس ہوا جس میں وزیراعظم کو پاور سیکٹر روڈ میپ میں پیشرفت پر بریفنگ دی گئی۔
اجلاس میں بات کرتے ہوئے وزیراعظم نے کہا کہ نجکاری سے مسابقت پر مبنی مارکیٹ ہی ملک میں توانائی کے مسائل کا پائیدار حل ہے۔
انہوں نے کہا کہ بجلی ترسیل کا نظام مزید بہتر بنانے کے لیے منصوبے ترجیحی بنیادوں پر مکمل کیے جائیں۔
شہباز شریف نے مزید کہا کہ بجلی کے نظام کو جدید دور کے تقاضوں سے ہم آہنگ کیا جائے، بیٹری انرجی اسٹوریج سسٹم پر پبلک پرائیویٹ پارٹنرشپ اور نجی شعبے کی شمولیت سے کام کیا جائے۔
