کراچی(اسٹاف رپورٹر) کامن ویلتھ گیمز کے لئے قومی ہاکی ٹیم کا تر بیتی کیمپ بدھ سے ایدھی ہاکی اسٹیڈیم کراچی میں شروع ہوگا ، جس میں کھلاڑی جمعرات سے دو سیشن میں پریکٹس کریں گے کیمپ میں فزیکل فٹنس پر زیادہ توجہ دی جائے گی، کیمپ کے لئے پی ایچ ایف کی سلیکشن کمیٹی نےاصلاح الدین کی سربراہی میں 32کھلاڑیوں کو مدعو کیا ہے، امکان ہے قومی ہاکی ٹیم کے غیر ملکی ہالینڈ کے کوچ رولینٹ اولٹیمنز اگلے ماہ چار یا پانچ مارچ تک اپنی ذمے داری سنبھالنے کے لئے کراچی پہنچ جائیں گے، پاکستان ہاکی فیڈریشن نے ان سے ورلڈ کپ ہاکی ٹورنامنٹ تک ابتدائی معاہدہ کیا ہے اس دوران وہ کامن ویلتھ گیمز، چیمپئنز ٹرافی، ایشین ٹرافی، ایشین گیمز اور ورلڈ کپ تک قومی ہاکی ٹیم کی کو چنگ کریں گے، کامن ویلتھ گیمز 4 سے 15 اپریل تک آسٹریلیا میں منعقد ہوں گے، قومی کیمپ کے دوران ہالینڈ کے کوچ کی معاونت کے لئے حسن سردار ہیڈکوچ اور منیجر کے علاوہ محمد ثقلین اور ریحان بٹ کیمپ میں ہونگے۔
فرمان الہی
نماز کے اوقات
