فرمان الہی
نماز کے اوقات
پاکستان سپر لیگ (پی ایس ایل) تھری میں ملتان سلطانز اور کراچی کنگز کے درمیان ہونے والا میچ بارش کے باعث منسوخ کردیا گیا ہے۔
شارجہ کرکٹ اسٹیڈیم پر کھیلے جارہے ایونٹ کا گیارواں میچ ٹاس تک محدود رہا، ملتان سلطانز کے خلاف کراچی کنگز کے کپتان عماد وسیم نے ٹاس جیت کر بیٹنگ کا فیصلہ کیا۔
میچ کے آغاز سے قبل ہی بوندا باندی شروع ہوگئی، جس کے تھمنے کا کافی انتظار کیا گیا، تاہم بارش جاری رہنے پر میچ منسوخ کرکے دونوں ٹیموں کو ایک ایک پوائنٹ دے دیا گیا۔
کراچی کنگز 4 میچز میں سے 3 میں کامیابی اور بے نتیجہ میچ کے ایک پوائنٹ کے ساتھ کل 7پوائنٹس کے ساتھ سرفہرست ہے۔
ملتان سلطانز کی ٹیم 4 میچز سے 2 میں کامیابی، ایک میں شکست اور بے نتیجہ میچ کے ساتھ 5 پوائنٹس کے ساتھ دوسرے نمبر پر پہنچ گئی ہے۔
اس سے قبل شارجہ کرکٹ اسٹیڈیم میں کراچی کنگز کے کپتان عماد وسیم اور ملتان سلطانز کے کپتان شعیب ملک ٹاس کے لئے میدان میں اترے۔
دونوں ٹیموں کا ایونٹ میں یہ پہلے میچ تھا اور شارجہ میں ہورہے مقابلے میں دونوں کپتان جیت کے لئے پر امید تھے، لیکن بارش نے ان دونوں کی امیدوں پر پانی پھیردیا ۔
پی ایس ایل میں پہلی بار شریک شعیب ملک الیون نے اب تک اپنی شاندار پرفارمنس سے شائقین کو خوب محظوظ کیا ہے، اس ٹیم کی کارکردگی بیٹنگ، بولنگ اور فیلڈنگ میں عمدہ رہی ہے۔
ملتان سلطانز کو بیٹنگ میں کمار سنگاکارا، احمد شہزاد، شعیب ملک، کیرون پولارڈ اور صہیب مقصود جیسے پاورفل ہٹر کے ساتھ بولنگ میں عمران طاہر، جنید خان، محمد عرفان اور سہیل تنویر جیسے قابل بھروسہ بولروں کی خدمات حاصل ہیں۔
کراچی کنگز نے اب تک ایونٹ میں شاندار کھیل پیش کیا اور کوئی میچ نہیں ہاری، عماد وسیم کی قیادت میں کراچی کنگز کی ٹیم جوئے ڈینلی، خرم منظور، بابراعظم، کولن انگرام، روی بوپارا، محمد رضوان، محمد عرفان جونیئر، محمد عامر، عثمان شنواری اور ٹائمل ملز پر مشتمل ہے۔
