گوادر بندرگاہ کمرشل بحری جہازوں کے لیےفعال ہوگئی

گوادر بندرگاہ کمرشل بحری جہازوں کیلئے آپریشنل ہوگئی ہے،کوسکو کمپنی کا پہلا بحری جہاز سی فوڈاور اجناس بھر ے کنٹینر لے کر یو اے ای کے لیے روانہ ہوگیا ۔

گوادر بندرگاہ سے ہفتے میں ایک کمرشل بحری جہاز خام مال لے کر مختلف ممالک کےلیے روانہ ہوگا جس سے مقامی تاجروں سمیت وسط ایشیا کے صنعتکار اور کمپنیاں اپنے مصنوعات دوسرے ممالک میں باآسانی سے بھیج سکیں گے۔

ترجمان پاک بحریہ کے مطابق سی پیک ملک کے لئے گیم چینجر منصوبہ ہے۔

ترجمان کا کہنا ہے کہ اس منصوبے کی کامیابی پاکستان کی خوشحالی کا پیش خیمہ ہے ،یہ پروجیکٹ نہ صرف ملکی معیشت، سیاست اور سیکورٹی میں مرکزی حیثیت کا حامل ہے بلکہ ہمارے خطے میں بھی اہم مقام رکھتا ہے۔