فرمان الہی
نماز کے اوقات
پاکستان تحریک انصاف کے چیئرمین عمران خان کا کہنا ہے کہ شہباز شریف اور ان کےبیٹوں نے پیسہ بنانے کے لیے ملتان میٹرو بنائی۔
چیئرمین پی ٹی آئی عمران خان پارٹی کی رکنیت سازی مہم کے سلسلے میں ملتان پہنچے ہیں ، اس موقع پر ان کے ہمراہ شاہ محمود قریشی اور پارٹی کے دیگر رہنما موجود ہیں۔
عمران خان تحریک انصاف کی رکنیت سازی مہم کے سلسلے میں ملتان شہر کے مختلف علاقوں کا دورہ کر رہے ہیں ۔
ایک کیمپ پر شرکاء سے خطاب کرتے ہوئے انہوں نے مزید کہا کہ ملتان میٹرو میں خالی بسیں جارہی ہیں، ان پر اربوں روپے لگاديئے، لیکن یہ لمبی اندھیری رات 2018ء کے الیکشن میں ختم ہوجائے گی ۔
انہوں نے کہا کہ ملتان میٹرو ایسے ہےکہ اسپتال میں مریض پڑا ہو اور اسے دواؤں کے بجائے اسکوٹر دے دیا جائے، ملتان کو اسپتالوں اور یونیورسٹی کی ضرورت ہے ۔
انہوں نے وزیر اعلیٰ پنجاب سے مخاطب ہوتے ہوئے کہا کہ شہباز شریف تم سب سے بڑے دو نمبر شخص ہو۔
