• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک بھر میں انٹرکلبز ہاکی چیمپئن شپ آئندہ ماہ ہوگی

آج کا اخبار
اسپورٹس
30 مارچ ، 2018
کراچی (اسٹاف رپورٹر) پاکستان ہاکی فیڈریشن کے تحت 10سے30 اپریل تک ڈسٹرکٹ ٹیموں کے درمیان انٹر کلبز ہاکی چیمپئن شپ کرائی جائے گی، یہ فیصلہ جمعرات کو اسلام آباد میں صدر ہاکی فیڈریشن بریگیڈیئر ( ر) خالد کھوکھر کی زیر صدارت ایگزیکٹیو بورڈاجلاس میں کیا گیا۔ اس دوران پی ایچ ایف کے انتخابات، کلبوں کی اسکروٹنی اور دیگر اہم فیصلے کئے گئے، ملک بھر میں کلبوں کی اسکروٹنی ایک ہی دن ہوگی تاکہ کسی بھی شہر کا کھلاڑی دو سے شہر سے رجسٹرڈ نہ ہوسکے، اجلاس میں پی ایچ ایف کے سکریٹری شہباز احمد،خواتین ونگ کی چیئر پرسن خوش بخت شجاعت، نوید عالم اور ایگزیکٹیو بورڈ کے دیگر ارکان نے شر کت کی۔ خالد کھوکھر نے کہا کہ فیڈریشن کے ایسوسی ایٹ سکریٹری خالد بشیر کو پی ایچ ایف کے ضابطہ اخلاق کی مسلسل خلاف ورزی کی بناء پر عہدے سے ہٹادیا ہے۔
تازہ ترین