• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی چیمبر کے زیر اہتمام راول انٹرنیشنل ایکسپو 11اپریل سے شروع ہو گی

آج کا اخبار
اہم خبریں
05 اپریل ، 2018
راولپنڈی (نمائندہ جنگ) راولپنڈی چیمبر آف کامرس کے زیر اہتمام راول انٹرنیشنل ایکسپو 11 اپریل سے شروع ہو رہی ہے پانچ روزہ نمائش ایوب نیشنل پارک راولپنڈی میں لگائی جائے گی انٹرنیشنل راول ایکسپو 2018 ء کاروباری طبقے کیلئے اندرون ملک اور بیرون ممالک کاروباری ترقی کا سنہری موقع ثابت ہو گی، نمائش میں سرکاری محکموں ،بڑی تعداد میں قومی اداروں اور انٹرنیشنل برینڈز کی طرف سے اسٹالز لگائے جارہے ہیں جن میں بچوں، خواتین،مردوں اور زندگی کے ہر شعبے سے تعلق رکھنے والے افراد کی دلچسپی کا سامان ہو گا۔اسٹالز کی کل تعداد 250ہے تقریبا اسی فیصد بکنگ ہو چکی ہے نمائش میں چینی کمپنیاںپچاس سے زاہد سٹال لگائیں گی ان کے لیے ایک الگ سے پویلین مختص کیا جائے گا، تمام برینڈز راول ایکسپو کے دوران خصوصی ڈسکاونٹ بھی دیں گے ۔ یہ بات راولپنڈی چیمبر آف کامرس کے صدرزاہد لطیف خان نے چیمبر میں پریس کانفرنس سے خطاب کرتے ہوئے کہی صدر زاہد لطیف خان نے میڈیا کو بریفنگ دیتے ہوئے کہا کہ راول انٹر نیشنل ایکسپو میں بارہ سے پندرہ ممالک کی کمپنیاں بھی اپنے سٹال لگائیں گی ۔
تازہ ترین