فرمان الہی
نماز کے اوقات
سپریم کورٹ میں ادویات کی قیمتوں سے متعلق کیس کیسماعت کے دوران چیف جسٹس پاکستان نے ریمارکس دیئے ہیںکہ خواہش ہے جو معاملات اٹھائے ہیں ختم کرکے جاؤں ورنہ بعد میں آپ نعرے لگاتے پھریں گےکہ باتیں کرکےچلا گیا اور کیا کچھ نہیں۔
سپریم کورٹ میں چیف جسٹس پاکستان کی سربراہی میں 2 رکنی بینچ نے ادویات کی قیمتوں سے متعلق کیس کی سماعت کی ، سیکریٹری صحت سمیت دیگر حکام عدالت میں پیش ہوئے۔سیکریٹری صحت نے ادویات کی قیمتوں میں کمی سے متعلق عبوری رپورٹ عدالت میں پیش کی۔
سماعت کے دوران چیف جسٹس نے ریمارکس دیئے کہ مفادعامہ کے جن معاملات میں ہاتھ ڈالا ہے، انہیں یہیں حل کریں گے، 15 مئی کو رات دن بھی بیٹھنا پڑا معاملہ پورا سن کر اٹھیں گے، واضح کردوں کہ کوئی التواء نہیں دیا جائے گا۔
چیف جسٹس نے کہا کہ ٹیکس لگانے یا ہٹانے کا فیصلہ پارلیمنٹ نے کرنا ہے، ٹیکس کا معاملہ عدالت کے دائرہ اختیار میں نہیں آتا، عدالت نے پہلے سے بنائے گئے قوانین کےمطابق معاملات کودیکھنا ہے، آپ اگر اس معاملے پر کوئی مہم چلارہے ہیں تو پارلیمنٹیرین سے رابطہ کریں۔
چیف جسٹس نے سیکریٹری صحت کو حکم دیا کہ مئی کے پہلے ہفتے میں اس معاملے پر مکمل رپورٹ دے دیں، تفصیلی رپورٹ کو دیکھ کر فیصلہ کریں گے جس کے بعد عدالت نے کیس کی مزید سماعت 15 مئی تک ملتوی کردی۔
