فرمان الہی
نماز کے اوقات
گولڈ کوسٹ ( نمائندہ خصوصی) کامن ویلتھ گیمز ہاکیمیں پیر کو مردوں کے مقابلے نہیں ہوئے ، ایک دن کے آرام کے بعد منگل کو پول اے میں نیوزی لینڈ کا مقابلہ اسکاٹ لینڈ، آسٹریلیا کا کینیڈا سے ہوگا، گروپ بی میں انگلینڈ کا مقابلہ ویلز اور بھارت کا مقابلہ ملائیشیا سے ہوگا۔ گروپ بی میں پاکستانی ٹیم بدھ کو ملائیشیا سے مقابلہ کرے گا۔ گروپ بی میں انگلینڈ کےدو میچوں کے بعد چار پوائنٹس ہیں، اس نے ایک میچ جیتا، ایک برابر کھیلا، نو گول اسکور کئے اور صرف2 گول اس کے خلاف ہوئے ہیں۔ بھارت نے2میچ کھیل کر ایک میں کام یابی حاصل کی، ایک میچ برابر رہا، چھ گول کیے پانچ گول اس کے خلاف ہوئے ہیں۔ اس کے بھی چار پوائنٹس ہیں۔ ملائیشیا نے دو میچ کھیلے، ایک جیتا، ایک ہارا ہے، تین گول کئے اور سات گول خلاف ہوئے اس کے تین پوائنٹس ہیں، پاکستان نے تین میچ کھیلے تینوں کو ڈرا کرنے کی ہیٹ ٹرک کی، پانچ گول کئے، پانچ خلاف ہوئے، اس کے تین پوائنٹس ہیں۔ ویلز نے تین میچ کھیلے دو میں ناکامی ہوئی، ایک میچ پاکستان کے خلاف برابر کھیلا، چار گول اسکور کئے، آٹھ اس کے خلاف ہوئے ہیں۔ اس کا صرف ایک پوائنٹ ہے۔
