• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں ڈکیتی اور چوری کی متعدد وارداتیں،2عورتیں اغوا

میرا شہر
ملتان
15 اپریل ، 2018
ملتان(سٹاف رپورٹر) ڈکیتی اور چوری کی متعدد وارداتوں میں نامعلوم ڈاکو اور چور لاکھوں روپے کی نقدی اور طلائی زیورات لوٹ کر فرار ہو گئے ، تھانہ مخدوم رشید کے علاقے میں نامعلوم چوروں نے پولیس اہلکار فہیم کی موٹر سائیکل چوری کر لی،تھانہ بستی ملوک کے علاقے میں ملزمان ریاض وغیرہ نے رمضان کے بھانہ سے 2 بکرے چوری کر لئے ،تھانہ سٹی شجاع آباد کے علاقے میں ملزم علی اور 6 نامعلوم چوروں نے اشفاق کے گھر سے سامان چوری کر لیا ،تھانہ مظفر آباد کے علاقے میں نامعلوم چوروں نے منظور کے گھر سے موٹر سائیکل اور سامان چوری کر لیا ،تھانہ جلیل آباد کے علاقے میں نامعلوم جیب تراش نے ہارون کی جیب سے ساڑھے لاکھ روپے نکال لئے ،تھانہ قطب پور کے علاقے میں نامعلوم چوروں نے تھانہ بی زیڈ کے علاقے میں نامعلوم نوسر باز عورتوں نے رکشہ میں دوران سفر طیب کی بیوی کا پرس چوری کر لیا ،جس میں 40 ہزار روپے نقدی اور موبائل فون موجود تھا ،تھانہ نیو ملتان کے علاقے میں ڈاکوئوں نے حمزہ سے موبائل فون چھین لیا ،تھانہ شاہ رکن عالم کے علاقے میں ڈاکووں نے شمائلہ سے پرس چھین لیا ،تھانہ سیتل ماڑی کے علاقے میں نامعلوم چوروں نے عدنان کی موٹر سائیکل چوری کر لی ،تھانہ دولت گیٹ کے علاقے میں نامعلوم چور نے سلمان کا موبائل فون چوری کر لیا دریں مختلف علاقوں سے2 خواتین کو اغوا کر لیا گیا ، تھانہ راجہ رام کے علاقے میں ملزمان کامران وغیرہ3 افراد نے خدا بخش کی بیٹی نادیہ کو بس سٹاپ کے قریب سے اغوا کر لیا،تھانہ صدر جلال پور کے علاقے میں اقبال وغیرہ3 ملزمان نےجاوید کے گھر گھس کے اس کی بہن نسیم بی بی کو اغوا کرلیا ،متعلقہ پولیس نے تمام وارداتوں کا الگ الگ مقدمہ درج کر لیا ہے ۔تھانہ مخدوم رشید پولیس کے علاقے میں کنڈا کٹر گینگ ایک ہفتے کے دوران7 گھروں کے کنڈے کاٹ کرلاکھوں روپے مالیت کاسامان لے گئے ، چوہدری امجد کے گھر سےنامعلوم افراد صحن میں کھڑے 2موٹرسائیکل اوردیگر قیمتی سامان لے گئے ۔
تازہ ترین