فرمان الہی
نماز کے اوقات
امیر جماعت اسلامی سینیٹر سراج الحق نے انکشاف کیا ہے کہ تحریک انصاف نے اوپر والوں کے حکم پر سینیٹ انتخابات کے لیے صادق سنجرانی کو ووٹ دیا، اب یہ بچہ پیدا ہو چکا ہے، اس کا گلہ نہیں گھونٹا جا سکتا۔ان کا کہنا تھا کہ کسی میں اتنی جرات نہیں کہ ان کی 30کروڑ یا 40 کروڑ روپے قیمت لگائے۔
منصورہ لاہور میں پریس کانفرنس کرتے ہوئے سینیٹر سراج الحق کا کہنا تھا کہ تحریک انصاف خوش تھی کہ سینیٹ انتخابات میں ان کے نام کا نعرہ لگے گا لیکن نعرہ کچھ اور لگا، اب دیکھنا ہے کہ عوام اس سینیٹ کے فیصلوں کو کیسے قبول کرتی ہے ۔
سراج الحق کا کہنا تھا کہ ووٹ بیچنے والے اگر مجرم ہیں تو خریدنے والے بھی اتنے ہی مجرم ہیں، چیف جسٹس سینیٹرز کو بلا کر ان سے بیان حلفی لیں، الیکشن قریب ہے اور پرندے گھونسلے بدل رہے ہیں، یوں لگ رہا ہے جیسے صفائی والی واشنگ مشین لگی ہو۔
امیر جماعت اسلامی کا کہنا تھا کہ کے الیکٹرک کراچی میں زیادتی کر رہی ہے، اس کے خلاف احتجاج کر رہے ہیں۔
