• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں بہت اچھا سلوک کیا گیا، بھارتی سکھ یاتری

تازہ ترین
قومی خبریں
24 اپریل ، 2018
پاکستان میں بہت اچھا سلوک کیا گیا، بھارتی سکھ یاتری

بھارتی سکھ یاتری امرجیت سنگھ کو لاہور سے واہگہ کے راستے بھارت ڈیپورٹ کردیا گیا، امرجیت سنگھ کو گزشتہ روز شیخوپورہ سے تحویل میں لیا گیا تھا۔

بھارت پہنچ کر امر جیت سنگھ کا کہنا تھا کہ اس کے ساتھ بہت اچھا سلوک کیا گیا ۔

سکھ یاتری امرجیت سنگھ 12 اپریل کو بیساکھی میلے میں شرکت کے لیے جتھے کے ہمراہ پاکستان آیا تھا لیکن بھارت واپسی کے وقت لاپتا ہوگیا۔

امرجیت سنگھ کو متروکہ وقف املاک بورڈ کے حکام نے شیخوپورہ سے اس کے پاکستانی دوست عامر کے گھر سے تحویل میں لیا اور واہگہ کے راستے بھارت ڈی پورٹ کر دیا۔

متروکہ وقف املاک بورڈ کے حکام نے اسے تحائف دیکر رخصت کیا، بھارت پہنچنے پر میڈیا سے گفتگو میں امرجیت سنگھ کا کہنا تھا کہ وہ اپنی مرضی سے دوست کے پاس چلا گیا تھا۔

تازہ ترین