فرمان الہی
نماز کے اوقات
قومی اسمبلی میں اپوزیشن لیڈر سید خورشید شاہ نے کہا ہے کہ عمران خان اس وقت سے ڈرو جب تمہاری اپنی وکٹ گر جائے گی ۔
سکھر میں میڈیا سے گفتگو میں خورشید شاہ نےعمران خان کے ساتھ شہبازشریف پر بھی خوب تنقید کے تیر برسائے،ان کا کہناتھاکہ وزیراعلیٰ پنجاب بڑی بڑی باتیں کرتے ہیں لیکن لاہور سے باہر نہیں نکلتے ۔
انہوں نے کہا کہ عمران خان اپنے کئے ہوئے وعدے پہلے خیبرپختونخوا میں پورے کرکے دکھائو ۔
اپوزیشن لیڈر نے یہ بھی کہا کہ وفاقی حکومت کے پاس مینڈیٹ نہیں لیکن وہ 13 مہینے کا بجٹ دے ،انہیں زیادہ سے زیادہ 3ماہ کا بجٹ دے دیتے ۔
ان کا کہناتھاکہ پارلیمنٹ کے ساتھ زیادتی کی گئی، فنانس کا ایکسپرٹ موجود تھا لیکن مشیر سے بجٹ پیش کرایا گیا۔
خورشید شاہ کا کہنا تھا کہ ووٹ کو عزت کیسے ملے گی، جب آپ خود پارلیمنٹ کو عزت نہیں دیتے۔
اپوزیشن لیڈر نے یہ بھی کہا کہ شہباز شریف بڑی باتیں کرتے ہیں لیکن پنجاب کو صحیح طریقے سے نہیں دیکھ سکتے۔
