• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیالکوٹ میں شب برات کےموقع پردہشتگردی کامنصوبہ ناکام

آج کا اخبار
اہم خبریں
02 مئی ، 2018
راولپنڈی (مانیٹرنگ ڈیسک)سی ٹی ڈی نے سیالکوٹ میں کارروائی کرتے ہوئے شب برات کے موقع پر دہشت گردی کا منصوبہ ناکام بناتے ہوئے دو دہشت گردوں کو گرفتار کرلیا ہے جن کے قبضے سے دھماکا خیز مواد و دیگر سامان برآمد ہوا ہے ،دہشت گرد شب برآت کے موقع پر مذہبی مقام پر بڑی کارروائی کرنا چاہتے تھے۔تفصیلات کے مطابق سیالکوٹ میں سی ٹی ڈی نے کارروائی کرتے ہوئے دو دہشت گردوں کو گرفتار کر لیا ہے، وجاہت اور سجاد نامی دہشت گردوں کو خفیہ اطلاع پر آروڑہ چوک کنگرہ روڈ سے گرفتار کیا گیا۔گرفتار ہونے والے دہشت گردوں کا تعلق کالعدم تنظیم سے ہے ، دہشت گردوں کے قبضے سے دھماکہ خیز مواد اور دیگر سامان برآمد کیا گیا ہے۔سی ٹی دی حکام کے مطابق دہشت گرد شب برآت کےموقع پر مذہبی مقام پر کارروائی کرنا چاہتے تھے،سی ٹی ڈی نے دونوں دہشتگردوں سے برآمد ہونے ولاا سامان قبضے میں لے کر ان کے خلاف مقدمہ درج کرلیاہے۔
تازہ ترین