• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب نے مشرف، اہل خانہ کے نام رجسٹرڈ گاڑیوں کی تفصیلات مانگ لیں

آج کا اخبار
اہم خبریں
04 مئی ، 2018
راولپنڈی(مانیٹرنگ ڈیسک) نیب نے پرویز مشرف کے خلاف آمدن سے زائد اثاثوں کے کیس میں سابق صدر اور ان کے اہلخانہ کے نام رجسٹرڈ گاڑیوں کی تفصیلات طلب کرلیں۔محکمہ ایکسائز کی رپورٹ کے مطابق صہبا مشرف کے سوا لاہورمیں اہلخانہ کے کسی فرد کے نام گاڑی رجسٹرنہیں،قومی احتساب بیورو (نیب) نے سابق صدر پرویز مشرف کے خلاف آمدن سے زائد اثاثوں کی تحقیقات شروع کررکھی ہیں۔جیونیوز کے مطابق نیب نے آمدن سے زائد اثاثے بنانے کے کیس کی تحقیقات آگے بڑھانے کےلیے محکمہ ایکسائز موٹر برانچ کو خط لکھا ہے۔نیب نے خط میں پرویزمشرف، ان کی اہلیہ، والدہ اور بیٹی داماد کے نام رجسٹرڈ گاڑیوں کی تفصیلات مانگی ہیں۔نیب کے خط پر محکمہ ایکسائز کی جانب سے رپورٹ دے دی گئی ہے جس میں بتایا گیا ہےکہ پرویز مشرف کی اہلیہ صہبا مشرف لینڈ کروزرکی مالک ہیں، صہبا مشرف کے نام لینڈ کروزر ایل ای ڈی 12 ،2829 رجسٹرڈ ہے۔محکمہ ایکسائز کی رپورٹ کے مطابق صہبا مشرف کے سوا لاہورمیں کسی اور فرد کے نام گاڑی رجسٹرنہیں۔
تازہ ترین