گوہاٹی( نمائندہ خصوصی) سائوتھ ایشین گیمز کیلیے پاکستان کی باکسنگ ٹیم جمعرات کو گوہاٹی پہنچی۔ پاکستان اسپورٹس بورڈ کے ڈی جی ڈاکٹر اختر گنجیرا نے استقبال کیا۔بعد میں قومی کھلاڑی شیلونگ روانہ ہوگئے جہاں باکسنگ مقابلے ہونگے۔ دریں اثنا باکسنگ ٹورنامنٹ میں باکسرز کی تعداد کم ہونے کی وجہ سے اب یہ مقابلے چار کے بجائے تین روز میں مکمل کئے جائیں گے، بھارتی باکسنگ فیڈریشن کے ذرائع کا کہنا ہے کہ مالدیپ ،بھوٹان، افغانستان سے آنے والے باکسرز کی تعداد کم ہوگئی ہے جبکہ مقابلے میں شریک باکسرز نے اختتامی تقریب میں شریک ہونے کی خواہش کا اظہار کیا ہے جس پر مقابلے کے دورانیہ میں کمی کردی گئی ہے۔
فرمان الہی
نماز کے اوقات
