• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹھٹھہ، مختلف حادثات میں ایک نوجوان جاں بحق، پانچ زخمی

آج کا اخبار
سندھ بھر سے
14 مئی ، 2018
ٹھٹھہ(نامہ نگار) دو مختلف حادثات میں ایک نوجوان جاں بحق، پانچ زخمی۔ تفصیلات کے مطابق چھتو چند کے قریب قومی شاہراہ پر ایک موٹر سائیکل اور پک اپ کے درمیان تصادم کے نتیجے میں چلیا کے نواحی گاؤں ابراہیم لنگ کا رہائشی نوجوان الیاس لنگ موقع پر جاں بحق ہوگیا، متوفی کی لاش ایمبولینس کے ذریعہ سول اسپتال ٹھٹھہ پہنچائی گئی، جہاں سے بعد ازاں ورثاء نے لاش وصول کی۔ دریں اثنا متوفی کی نعش گھر پہنچنے پر کہرام مچ گیا۔ دوسری جانب چلیا فش ہچری کے قریب ٹرک اور پک اپ کے درمیان تصادم کے نتیجے میں بابر، یاسین، نوید اور فیضان سمیت پانچ افراد زخمی ہوگئے جنہیں علاج کے لیے سول اسپتال ٹھٹھہمنتقل کیا جہاں سے ابتدائی طبی امداد کی فراہمی کے بعد انہیں کراچی لیجایا گیا، زخمیوں کا تعلق لانڈھی کراچی سے بتایا جاتا ہے جو کہ کینجھر جھیل پر پکنک منانے کے لیے آئے تھے کہ حادثے کا شکار ہوگئے، دریں اثنا حادثے کے بعد ٹرک ڈرائیور موقع سے فرار ہوگیا۔
تازہ ترین