کراچی (اسٹاف رپورٹر) پاکستان ہاکی فیڈریشن نے25 ویں اذلان شاہ ہاکی ٹورنامنٹ کی تیاری کیلئے قومی کھلاڑیوں کے تربیتی کیمپ کا اعلان کردیا ہے۔قومی کھلاڑیوں کا تربیتی کیمپ 24 فروری سے اسلام اباد میں لگایا جائے گا۔ پاکستان ہاکی فیڈریشن کے سیکرٹری شہباز احمد نے کہا ہے کہ کیمپ کیلئے پہلے مرحلے میں 80 کھلاڑیوں کو مدعو کیا جائے گا جس میں سے 40 ، 45 کھلاڑیوں کو دوسرے مرحلے کیلئے منتخب کیا جائے گا۔اصل ہدف 2017 ورلڈ کپ کیلئے کوالیفائی کرنا ہے۔ سابق اولمپئن اور چیف کوچ خواجہ محمد جنید ٹیم کے کوچ اور اولمپئن حنیف خان ٹیم کے منیجر ہوں گے۔ اذلان شاہ ہاکی ٹورنامنٹ ملائیشیا کے شہر ایپوہ میں 7 سے 16 اپریل تک کھیلا جائے گا۔
فرمان الہی
نماز کے اوقات
